عن راوي والنوستالجيا وأشياء أخري

عن راوي والنوستالجيا وأشياء أخري 

فاكرين زمان التليفزيون أبو تلات قنوات اللي كان بيذلنا علي تلات دقايق من توم وجيري؟

طب فاكرين لما كنا بنصحي في مواعيد معينة بمزاجنا لأن لو صحينا متأخر شوية هيفوتنا الفرصة الوحيدة لمشاهدة الكارتون في اليوم ده؟

طب والفرح اللي عملناه لما القنوات المحلية فتحت؟

التليفزيون بقي كان حمادة والباقي حمادة تاني يعني كان فيه نقص في كل حاجة زي أماكن الخروج والكتب المتوفرة للأطفال برسوم مبهرة زي اللي موجودة دلوقتي والحمادة الكبير بقي هو التكنولوجيا اللي كان أقصي طموحنا منها هو الأتاري و المسطرة اللي بتزغلل العين لما تحركها

جو النوستاجيا اللي فوق ده مش الهدف منه التحسر علي زمن لطيف ولكن لمقارنة بسيطة بين تقديرنا كأطفال للحاجات البسيطة دي “مقارنة بالمتاح حاليا” وقد ايه كنا بنستناها وننهل منها بنهم وبين اللي حاصل دلوقتي عند الأطفال من حالة تململ وزهق رغم كتر الاختيارات المتاحة عندهم بالمقارنة بأجيالنا

كانوا تلات قنوات بقوا مئات…كانوا تلات دقايق من كارتون بقت قنوات كارتون شغالة ليل ونهار…كان أتاري بلعبتين وبقي ألاف الألعاب علي كمبيوتر وانترنت وموبايل…كانت المكتبة الخضرة بقي أشكال وألوان من الكتب برسوم تبهر الكبير قبل الصغير…كان نادي بمراجيح ومش متاح للكل بقي مئات النوادي والمراكز التجارية والأماكن المخصصة للألعاب وغيره

الغريب ان وسط كل ده الأطفال دلوقتي أقل صبرا وأسرع مللا! فقدوا احساسهم بحاجات كتير ومبقوش بيقدروا قيمتها. بقي صعب ترضيهم بلعبة أو كتاب أو كارتون لأنه المتاح أكبر وأوسع كتير من اللي انت ممكن تقدمه. وبقي وظيفتك كأب أو أم انك تقعد تفكر تسليهم ازاي وايه المناسب ليهم في الحاجات المتاحة دي كلها وايه الجديد وايه المفيد

طيب ايه اللي احنا بنحاول نقدمه في وسط الهوجة دي؟

احنا بنحاول نقدم قيم ومبادئ للأطفال في صورة ترفيهية علي الموبايل اللي علطول أولادك ساحبينه من إيدك وقاعدين يلعبوا عليه. لا هي أول ولا أخر أبليكيشن للأطفال وهي مجرد قطرة من بحر الحاجات المتاحة لأولادك في الزمن ده لكنها محاولة لدمج القيم في اطار الترفيه

الفكرة ببساطة هي تقديم حكايات للأطفال ناطقة بالعربي وفي كل حكاية بيتعلم الطفل قيمة جديدة زي المسئولية والصدق وغيره. فكرة الحكايات فكرة محببة جدا لمناقشة عادات الأطفال اليومية بشكل أقل حدة من التوجيه المباشر. أطفال الجيل ده مبيعجبهمش العجب علشان كده خلينا الحكايات ناطقة ومتحركة لجذب انتباههم أكتر

راوي بيحاول يكون أبليكيشن يسلي أولادك لما يمسكوا تليفونك وكمان يعلمهم شوية حجات من اللي بيمروا بيها كل يوم ومن الحجات اللطيفة في القصة دي انك ممكن كمان تناقش محتوي الحكاية معاهم بعد ميسمعوها

حمل راوي علي موبايلك دلوقتي وقولنا رأيك

هنسيبكم بقي مع صور من الزمن الجميل icon smile عن راوي والنوستالجيا وأشياء أخري

6 300x151 عن راوي والنوستالجيا وأشياء أخري 5 300x214 عن راوي والنوستالجيا وأشياء أخري 4 300x247 عن راوي والنوستالجيا وأشياء أخري 3 300x208 عن راوي والنوستالجيا وأشياء أخري 2 300x215 عن راوي والنوستالجيا وأشياء أخري 1 300x226 عن راوي والنوستالجيا وأشياء أخري

Leave a Reply

Latest Blog Posts

Contact Us!

 

Address:

14 Amin Anis Street, Merghany, Cairo, Egypt

Email:

contactus@rawy.me

rawy facebook icon rawy twitter icon rawy linkedin icon rawy email icon

Call us online:

telephone-icon-grey-150x150

Become a Fan

Get our Newsletters